BİR ERKİNLİK DUYARIM

Seyran Süleyman

Kırımlı Türk Şair ve Yazar

“Canı darağaçta olğan bir adam içün

duanıñ küçü büyüktir”

C. Dağcı

1.

Canım bugün

Kene darağaçta.

Kim onı asqan?! Sen degilsiñ kök,

Sen degilsiñ ana, sen degilsiñ baba.

Özüm, özüm astım,

Bilmey, ister-istemezden

Suvuq bataqlarğa batıp.

Biñ kere yañılıp, yaqılıp, tirilip...

Taldım. De qalqmaq, de batmaq.

Aldım qalem. TüĢtim sözler deryasına.

Dım qaranlıqta ne yaza bilem?!

Qan aqızıp, ağlamasa yürek,

Añlarmı nedir – buğavlı yürmek!

2.

Canım bugün

Kene darağaçta.

Kene kökte bugün sıcaq küneĢ,

QuĢlar bugün kene öte.

Kene ruzgâr uzaqlardan kele

Yol-ızlarda toz-çöpni obalap,

Çetke taĢlap, yolun devam ete.

3.

Canım yarın Olmaz darağaçta.

Men inanam. Tañ atqanda turıp,

Canım secde etmez bataqlarğa.

Meni ğamdan azat eyler

Serin ava. Nurlu saba.

O an

Bütün darağaçlarnı unutıp,

Sıñırsız bir erkinlik duyarım...

BİR SÖZ…

Dünya degen degirmende

Biñ bürtükten biri men de:

Arman qazıq üküminde,

Bir söz Ģiir türküminde.

2004 s. iyül 1

Seyran Süleyman